Yabaik camionetanum wegakjik wainntasui muja muun aidauk. Ayatak pampak ainawai. Wekaesa wegaku wainnawai numi tsupigbau kakaegak tepenau.

Papí umikbauwai Perú nugken ajak ayá nuna wainak takasainum tusa. Utugchata duka 22 concesiones maderables región San Martin agatmamjau aina nuwiya, 5 iniimtsuk nuwi tsupiju ainawai, nuwigtu 4 ajuinawai jutik takastatjai tusa papí tsanumja najananu. ¿Wajuk nagkaemawa jusha?

Kuashat empresa nugka tsuwapau aidau Estadon segainawai concesión de terreno sujusta tusa. Juu segamta takujik, najantaiya Plan de Manejo Forestal tawa nunu, nuwi augmattsattawai tuwi numi takantsati tibau aidaunash jiakiagtatua. Aatus takamak utugchatak atsawai. Jutika umikui regente forestal Adriel Reategui Trigoso makichik concesión 30 mil hectáreas nugka ajamun. Anentaimsa diismí, juu taji duka Lima nugke jimaituk aniashkush 42 mil chanchas de fultbol tumain taji. Juu concesionkak empresa Aserradero Victoria SAC diyakbau ajakui, Autoridad Regional Ambiental tutai San Martinnumia najanauwai juu plan de manejo forestalnak 2010 tin. ¿Tuwi awa utugchatash?

Plan najana makichik mijan nagkaemakbaunum juu awai, Organismo de Supervisión de los Recursos Forestales y de Fauna Silvestre (Osinfor) tawa nunu diise nugka consecionamun, nunik wainkae 175 numi nugka takantsati tibauwa nuwiyayai tibau, 125 numi tikish nugka consesionashbaunmayan. Numi tsupigta tichamuitak tsupigbaunak inagkenawai wainak tsanumag Guía de transporte forestal tabaun jikiag, nuna idakmasan dekas nugka numin takastinme tibaunmayanap itainawa tujuttinme tusan.

¿Yaa tujash inagkeawa juu numi aidauk nugka takantsati tibaunmaya ainawai tusash? Juu takatak iyawai Jhon Robert Cárdenas Gallardowai, comisario de la Comisaria Sectorial Jaime Cobian Vasquez, Juanjuinmaya.

Juu numi aidauk Peru nujinchin yajuakbau ainawai, nuwi yajumainawai tikish nugkanum. Juu takata duka tutaya blanqueado de madera. Juu nagkaema antsak awai nugka ajakmatai aina nunu yapajia takabaunmashkam. Tuke tsawantai, muun batsamin aidau nuwintu concesionarias aidau segamainawai takasagtatus ajakmamu wegantun, tujash segamainawai tikichin takasagtatus, junak apu aidauk diinatsui.

Empresa Aserradero Victoria SAC tawa duka dekas senchigtin ajakui organización criminal El Clan de la Topa tawa nudau, juka nagkankauwai 2023 tin. Juu clan de la topa tawa nunak dekajuawagtatus yujagsau ainawai numi tsupiamunum, jiyamunum, najanbaunum, utuabaunum, juwamunum nuwintu tikish nugkanum inagkeamunum, atus takastajai tichauwaitak.

Tikish empresa pegkegchau takatnum pachitkau aidau ajakajui Almacenes Aswan SAC, SD Logistic, Agencia de Aduanas SAC, Jalsuri Green SAC nuwintu Exportaciones Sambac Narvaez SAC. Juu takau aidaujai iyau ainawai 18 aents, funcionarios públicos aidaushkam.

Aents kuwitamin, diin atsamunum nuwintu Estado Peruano wamak aimchamunum kuashat recursos forestales kasabau awai, nuninak ajak aidaun amukag mininawai.

    *Este pódcast se difundirá en Radio Nieva (98.1 FM) y Radio Kampagkis (91.7 FM), en Amazonas.

LEE EL REPORTAJE COMPLETO SOBRE ESTE CASO:

En español: https://convoca.pe/investigacion/licencia-para-destruir-cambios-de-uso-planes-forestales-y-guias-fraudulentas

En awajún: https://convoca.pe/agenda-propia/ikam-tsayamu-senchiji-yapajia-takamu-ajakmamu-weantu-nuwigtu-ikam-pachisa-tsanubau