Mijan 2002 nagkamas 2021 abukaje ikaman numi kasamak sujuinak 394 mil hectáreasan nagkaesau San Martin nugkanum, juka ikam abukbau esantik río Ucayalijai betekai. Aikam mijantin megkaenawai 700 millones de soles. Amanzonían amuinawai, pulmones del mundon mainawai.

Santa Rosillo de Yanayaku batsatkamin aidau, región San Martín, manituinawai numi kasamak jiyagtai antsag ikaman amuagtai. Ditak ikaman wekaetus diinawa numin an senchi amukainum tusajag. Dutikamunmak, numi muun 200 mijan tumain ajaun, esanti 40 metros nagkaesau aidaunak kasamak sujin aidau amukaje. Atak numi ajaktinnak capantuwai tsegtsajag emakaje. Nuwiya numi tsaik ima kuashtai.

Kechwas apuji aidau tuinawai migrantes aidau juu ikam amuanunmak takainawai parecelan najanawag ajakmawagtatus antsag coca ajawagtatus. Aiksag najanawaje pista avionka iyautaijin narcotráficonum takau aidau shiig takastinme tusa.

Numi kasamak sujin aidua ditak uumak jintamawaje numi inagkeakiagtatus. Juka jintak carro nagkaemamainuk nagkamnawai valle del río Chipurana, nuniak achitkawai San José de Yanayacu antsag Tierra Blanca Loretonum. Numi kasamkamun jiikiagtatus, iwainmainawai guias de transporte tsanumja umikbaun. Tujash, 6 dependecias policiales nuwigtú 3 puestos de control aitak numi juki nagkaemaina nuna guiajinak diinatsui.

Mijan 2017 nagkamas Estado susae 1,334 millones de soles San Martinka Gobierno Regionaljin juna diistinme tusa, tujash apu aidauk wajuk recursos forestales aidaush kuitamainaita juu kuichkijaish nunak shiig puyatjusak diinatsui.

Yabai Congreso de la República yapajiae Ley Forestal tawa nuna, juka leik Ministerio de Agricultura nugkan sukagtusti ajakmatnun tawai. Tujash, juka numi amuamun itattawai. Shiig diyamak, juka Ministerio del Ambiente senchi sukagtuschamu aig takasagtatui.

        *Este pódcast se difundirá en Radio Nieva (98.1 FM) y Radio Kampagkis (91.7 FM), en Amazonas.

LEE EL REPORTAJE COMPLETO SOBRE ESTE CASO:

En español: https://convoca.pe/investigacion/santa-rosillo-una-comunidad-amazonica-que-combate-la-tala-ilegal-y-el-abandono-del

En awajún: https://convoca.pe/agenda-propia/santa-rosillo-makichik-batsatkamu-amozonasnumia-numi-kasamka-dakaja-takamu-chichamjau

En el siguiente VIDEO escucha el pódcast en awajún, subtitulado en español: