Santa Rosillo: Makichik batsatkamu amozonasnumia numi kasamka dakaja takamu chichamjau nuwigtú Estado pachikchamu jujú utugchatan

Quinto nina yachi Manuel Imuna Alvarado inia kechwas, inia ronderos aidauiai wainkaje batsatkabau Santa Rosillo de Yanacuna, San Martin nugka ikamnum, numi shiig muun ajakam tepaun. Juka numik ajawai 200 mijantan nagkaesau, 40 metros esantí, wajautik uwejan makichik amua ipaksumat ijuka aenst ijumjamua auna nagkaesauwai. Junak ajakaje numi kasamak wainak takau aidau nugka Puca Quebrada tawa awi. Yaushkesh antsag tikish 18,8 metros cúbicos (m3) numi ajambaun nugka diyak yujakma atankiaje. Junak takainawai  kechwas nugke 23 mil hectareas tibauwa awi. 

“Jujú numiya juke juwake, tikish aidaunak kasamak abukaje” aatus etsejui kajeka Quino Inuma, batsatkamu apuji. Kechwa apuji tawai, jujú utugchat apusamji Fiscalía Ambiental, San Martinka Autoridad Regional Ambientaljin antsajik Policía Ecológicanmashkam. Tujash yaimpakchaje. Numi ajaka aepeamuk twawantai wantinui, juna apu aidau wainkan actanum agan jukiaje.

La ronda de Santa Rosillo encontró este ejemplar de tornillo en octubre de 2022. Foto: Hugo Anteparra.

20 mijan weganui (2002-2021), San Martin nugkamun abuekae 394 mil hectáreas nagkaesau pegkeg ikam. Aatus tawai Global Forest Watch. Numi kasamka senchi takamuk asauwai mijan 2012, megkaekae ikam jujú mijantin 37,9 mil hectáreas. Nuwi nagkamas takasaje 14 mil antsan 21 mil hectáreas mijantin. Mijan 2021 takasaje 17,500 hectáreas. Juna tawai Sociedad Peruna de Derecho Ambiental (SPDA), numi kasamka sujamuk Perú emegkawai kuwichkinum 200 millones de dólares nagkaesau mijantin. 

Numi kasamka ajamuk tsawantai nagkaemawai, tujash junak shiig umikag takainawai wantinkaig tusajag. Jujú takat paan wantinui dakumka jukimunum jujú aintsa wajuk takainawa diyaku. Sana Rosillo ikamjin paan numi kapantui pintakbau wantinui, dukap atsuk ajankatin aidau. Tikish numi aidauk awanmasa pistola dakumkamu ajuinawai. 

“Ikam diyaku yujasa wainkaji numinum agambau letra V antsajik H, aiksajik wainkaji pistola dakumkamu. Juka dita ikaman takas weena awi wayawainum tusa uwaktamkatatus aikainawai. Tujash ishamatsi, iik waintua diyakuk aji. Jutikaku iina nugke ayamjukmi dutikaku iina uchijí miniagtata nunú ukugkimi utugchat atsamunun takastinme tau asa”, aatus tawai Quinto Inuma.

Los ronderos suelen encontrar árboles marcados con dibujos de armas de fuego. Aseguran que son advertencias de los taladores. Foto: Hugo Anteparra.

¿Wajupa numi takantsati tibaush nuwigtú takantsasti tibaush San Martin nugkanmach takainawa? Juka kakajus dekabaitsui. Tujash jujú pataetusa ujumak diisbaunum bachik dekanui. Paan awa duka, ima shiig wantinui numi shiig kuashat tsupija, dakaja 2019 nagkamsa takamu, antsajik dekanui wajupa numinash juki emainawa dushakam. 

Convoca.pe, CONNECTAS tawa nujai waitus informaciónkan guias de transporte forestal, San Martinkan gobierno regionalji, mijan enero 2019 antsag julio 2022 sukagtusbaun segamian jukiaje. Juna papin iwainmakag numin enagkenawa nugka takantsati tibaunmaya inam awasajag. Mijan 2019 numi 7 mil 334 m3 jukiaje. Mijan 2020, jata Covid-19 tepeamanum, makichkich buchitnakchati tibau aig wantinkae numi ima kuashat inagkeamu. Jujú mijantinig dekapanjae 30 mil 588 m3 numi dakagbau. 

Mijan 2021, asae 29 mil 730 m3, antsag mijan 2022, nantu enero nuwigtú julio, dekas numi jiikti tiabu jegae 14 mil 614 m3.

Nugka San Martinnumak, ima senchi jiinawai numi cedrlinga cateniformis, daaji wainkamu tornillo tusa. Juna ima senchi jiinawai ikamnumian. Jujú numin kechwa aidaun wainkaje ajakbaun dita nugken. Papi aintsa diiyam, Gobierno Regional jukitinme tusa tie jujú numi aidaun 28 mil 291 m3. Tikich numi higuerilla (micranda spruceana) tawa nunashkam senchi jiinawai, makichik mijantinin jiikiaje 14 mil 30 m3.

Ibatikamu aig, kuashat tsanubau awai guias de transportenum tuu numi aidauna jukish emainawa. Aikinak tsanuinawai controlnum apu aidau takaina auna. 

Ikam kuitamku wekaebau

Dekas funcionarios, lejisladores, policias antsag fiscalizadores aidauk ikam kuitamkati tusa ibaun uminatsaig, Santa Rosillo de Yanayacu batsatkamin aidau, awanbaitak antsag maabaitak nugkanak diinawai yabaikish ishamtsuk.

Ikaman estado pachikchamun diinakuk, yatsut Inuma ronderos inia Santa Rosillo batsatkamunmaya suntaja nugkutaijin anun peenawai. Juju dita nugkenik apash ima kuashat tainawai iina pujutjin dekachu aidau, nuninak takainawai ajakmamun antsan dita pujutaijin iishkam umiktinme tujamainawai. Iinia batsatkamin aidauk tuinawai dita ainawai numi takainana duka, antsan numi kasamak dakau aidaunak dita awayinawai. Juka mininawai Loreto nugkanmaya. 

Santa Rosillo de Yanayacunmaya waininawai ikam senchi abuegaun apash kaunak pacerla najanak ajakmajai tusa wegamun nagkamas. Maquichik papi jujú aintsa diisbau tawai minaj enero 2020 antsag minaj enero 2021 ikam abuekae 139,19 hectáreas. Juik ijunag awai ikam ajak ajakmatasa takamu. Jujú nugka achikbauwa awi, ajakmainawai cocanashkam. 

“Paan wantinui jujú ikam takamuk, wagki tusa autusa diyamak mijan 2019 takasaje 36,91 hectáreas, antsag mijan 2020 takasaje 73,84 hectáreas”, aatus tawai yama papi umikbau. Antsag papí umikbau tawai, makichik pista avionka iyautaiji umikbau awai, najanamui mijan octubre 2020 antsan agosto 2021. Aikawan coca takau aidau wainawai jujú nugkanum.

Jujú respotaje takaku jegaji nugka autoridades pachikchamum, juka jeteka wagagkamuwai numi antsag coca takau audau. Dekas ii wainkaji wajuk utugchat shiig muunumash iinia kechwas aidaush pujuinawa tsawantai. 

Kashikmas, 10 de octubretin, nugka diyaku wekaemunum, ronderos, Inuma Alvarado yachi aidau jega niimku ayamjatin jegamkamun antuekae kuashat akaju ipatbau. Pataetuka diyan ipatiaje awankagtuinak. Apu wamak untsukag ujakaje 25 apash aidau iinia nugka diyak shiyakme dita tsanunja takabaun tabau antukag kajekag pataetukbaun. Ronderos kechwas juna antukag waamak yajumakag waketkiaje mantuawainum tusa.

Quinto Inuma niina aentsjin inaje jinta yaja jintamati apash aidau amaintamkamtai ishamain maniamu ai tusa. Jintajntamainakua, shiig waitus jegawaje entsanum niniak ayamjaje yumi umuinak. Waketbaunum makichik apach inia kechwan awankae dita nugken wayawainum yabai nagkamas tusa. Aatus tiaje “iina aentsji dekati wagka atumes ina parcelajish dakumkajumes juwajume. Juka nugkak ashinuwai. Atume nugke ainatsui. Inagnamu juwi waya yujajumin wainjime. Juna awanbau daajik Manuel Pezo Villacrez tawai. 

Tsawan nagkaemakmatai Ministerio del Ambiente aplicativoji Geobosques tawa nui diyam, away 20 hectáreasnumia numi kasamka ajaka yajuakbau. Juka nagkaemakie nantu setiembre antsag octubre mijan 2022. 

El aplicativo de monitoreo satelital Geobosques identificó una pérdida de bosque en el mismo lugar patrullado. Foto: Geobosques.

Agaya

Nuni kasamka sujamuk shiig muuntai – nunak Estodok diyauk shiig atsawai- aniau asamtai kasamak numi takau aidauk shiin umikaje dita umka numi takastinun. Jujú mijantinin numi takamin aidauk rio Chipurana wenin jinta carro nagkaemamainun umikaje. Juka jintak San San Martinka norestejin José de Yanayacu juwaki Loreto nugkamun Tierra Blanca tawa awi jegawai. Aatus augmatuinawai batsatkamin aidau.

Proyecto de Monitoreo de la Amaznía Andina (MAAP) tawa nuna Satélitenum dakumjanum wantinui jujú jinta sutag, tujash juka carretera Perú mapajin dakumjamunmak wantintsui. Jujú pachisa ingeniero Gerardo Cáceres Bardáles, Autoridad Regional Ambiental del Gobierno Regional de San Martin, nii mijan 2018-2022 takasbauwanui iniag, nigka dekatsui juna jintanak. 

“Iik carretara najatinme tusajik senchik suwatsi. Au nugka awik utugchatnum pujaji tesaknun Loretojai, jegamnaku ataig aikawame nugka kasamak takamin aidau”, aatus tawai. 

El monitoreo de MAAP confirma la existencia de la trocha carrozable denunciada por los habitantes de la zona. Imagen: MAAP.

¿Wajina aikinawa jiinta dintsati tibauwanish? Numi San Martín nugkanum inagkeamua duka nagkaemawa uweja amua makichik ijuk jega policía kuitamak batsatbaunum antsag campantum jega ikaman kuitamin aidau jeen. Tujash wajinak juinawa tusa diyamuk shiig atsawai. Aents comionkash numi dekas takantsati tibaunash juwa tusa diayauk atsawai.

Jujú wainnake, puesto de control Corral Quemado, San Martín nugkanum, región Amazonas. Mijan nagkaemaki weganui apu aidau jintan diisaje kampantumá, dutika wainkaje kampantum camiones numi aimak San Martin nagkaemakiag minidaun. Jujú iwainmawai dekas región San Martin puyatjusa jinta diyashbaun. Aniau asantai camión aidauk kuashat nagkaemakiaje.

Jutika takamu iwainmawai región San Martinkak jinta diyamuk imachauwai. Segaji tuita reporte gobierno regional jinta diyaku aikamush mijan 2017 antsag 2022. Imajik atsawai takat aikamuk, ima wainnake numi carronum ipiagka jutsuk ukukbaun. Ashi ijumjamak awai 495 camión numi aimkamu aidau. Mijan 2019 wainnake 150 camiones, mijan 2020 wainnake 107 camiones. 

Ima guias de transporte tawa jukechui numi takastin papi tsanumja umiamuk. Juka utugchatak nagkamnawai concesionarios aidua numi inventarios aikamum, antsag numi ikamnumia jiiktin papi jiyamunum. Center for International Environmental Law (CIEL), mijan 2019 tawai regentes forestales ikam numi jiikmi tibau diyamunum funcionarios aidau takamsaje papi tsanumja nugka numi takastasa jiyamun. Juka regentes aidauk Servicio Nacional Forestal y de Fauna Silvestre (Serfor) mabikiamu takainawai dekas ikaman distinme wainak takasainume tibau. 

CIEL, Planes de Manejo Forestal tawa nunú concesionarios aidau susamu, mijan 2017 diyan, awai 13 regentes 162 adaikamunmaya papí tsanumag firmó aidau. Imajui tsanumjaje 40% numi dekas nugka takantsati tibaunum awai tusa.

Tsanumja wajupa numi makichik concesionnumash awa nunú Planes de Manejo Forestal tawa nuwi umiamuk, yupichu emawai numi jiyamun tikish nungka takaschami tibaunum. Numi makichik concesionnun imanik atsaig wainak batsainawai tikishnumian jukiagtatus. Dututikawag tsanumainawai. Jujú jinta policía iwaintamak ditak kakajus wamak ejemainchau ainawai. 

Mario Torres, yaunchuk ajakui San Martinum Operaciones de la Autoridad Regional Ambiental tawa nuna apuji, mijan 2022. Nii diijakui guias forestales jiyamun antsan jinta numi kasamak juinatsuash tusa diyamun. Nuniak tawai, kuichik kuashtachui jinta wekaetusa dimainuk. Mijan 2022, nantu enero antsag agosto amasagbayi 100 mil soles (26 mil 300 dólares) nugka, jinta aidau wekaetusa distinun. Juka kuichkik jegatsui. Makichik intervención aikamunun ajapnawai 15 mil soles (3.900 dólares).

Portal de Transparencia Económica del Ministerio de Economía y Finanzas diyan, mijan 2022 nagakamsa susamuwai kuichik 1 millón 686 mil soles (443 mil dólares) San Martinka Gobierno Regionaji “Bosques con control y vigilancia efectivos” tawa nunú daayai ikaman distinme tusa. Nuwiyan ima 24,3% takasag tantaje nantu noviembre, mijan 2022. Mijanan amuinak kuichkin takasaje 81,2%. Tujash aan senchi takamain wajakaje ikaman diinak. 

Mario Torres, gobierno regionalnum, mijan 2022 takasma nujai chichastakamá tujinkaji. Chichastasa igakmaji wajuk kuichkinas ibatikash amukaje nunú. Tujash takat kuashat ajutui tusa tsanumag autamsashme. Yama apu mijan 2023 yapajinawagma nujaish chichaschaji iik yama wayaji tusa tuinakui. 

Encontrar madera ilegal en las orillas del río Huallaga, en San Martín, es cosa de todos los días según denuncian los lugareños.

Juna utugchatan diis, José Anicama, Organismo de Supervisión de lo Recursos Forestales (Osinfor) tawa nuna asesorji juna tawai. Gobierno regional utugchat ajawai kuichkich wajuk nugka diyakjish shiijash takamainita, antsag utugchat shiig muun ajawai gestión takamunum. Yamaik jujú nugka diismi tibauk kuichkik kuashat wayawai, tujash nuwiyash wajuk aikajia ikam wainka takamu awa dusha dintsattawa, duka puyatjusa diyamuk atsawai. 

Tujash, juka kuichkik mijan 2017 susamuwai San Martinka Gobierno Regionalji 1.334 millones de soles (351 millones de dólares), nuwi nagkamas aan kushat waya mijan mijantin minawai. Nuniak, mijan 2022 mayae kuichik 2.033 millones de soles (535 millones de dólares). Tujash “competitividad y aprovechamiento sostenible de los recursos forestales y fauna silvestre” tawa nuwi kuichik takantsatnunak ibatikag susachaje. Dutika diyam, nantu noviembre, nijan 2022, 6,9 millones de soles (1.8 millones de dólares) susamuwa nuwiyan taksaje 48%. Aika pujyatjusa takamu atsaig, 6 semanasnukak kuchik shiig muun takasbau wantinkae, aikawag mijan 2022 amukaje kuichkin 88% takasag. 

Funcionarios yama Gobierno Regionalnum jujú mijan wayau aidau tuinawai, diistatji funcionario aidau contratacionesan umik ukukiaja nunú. Gobierno regionalnum yama takas amukún, tsawan (2018-2022), Pedro Bogarín Vargas dagntinun Policía Nacional achiké. Nigka pachitkawai jujú organización criminal tawa nuwi antsan apu pujus wainka kuashat takamsamunum.  

Ima kuishkich atsatsui ikam diyamunmak Gobierno Regionalnumak. Fiscalía Especializada en Materia Ambientanum shiig puyatjusa takamu atsawai. Convoca.pe y CONNECTAS, wainkaje fiscal Héctor Jesús Vera, San Martinka fiscalíajin takau papí firmamun, nantu 21 de noviembre. Dutikak sagae yainkata tusa ecologista antsag empresarion Iván Rojas García makichik carron anunnujai provincia de Bellavista takatan diyak wetatus. Jujú umiamunak takasé fiscal Nilton Ventura Castillo. 

Convoca chichasé Rojasjai, dutikam tawai tsagkamkabiajai 23 tsawantai mina carrojun akijuinatsaig. 

El fiscal provincial Héctor Vera Santamaría solicita apoyo con carácter de "muy urgente" a un privado.

¿Wagka fiscalíash ditanun takainatsua nugka, ikaman diinakush?

Jujú repotaje aikaku iniam, fiscalía awamae papinum ujumak agag. Etsegkache kuichkinash atsumainatsuash jujú takat aikamununmash, dutikak fiscl Nilton Ventura chicha nujai betek chichawai. Antsag tawai juka waji tsagkamka takamuk ilegalchui, dutiksak tawai, Rojas yaibau sagabaun tawa duka waitai. Aitak tsawan 21 de noviembre, mijan 2022 segabiajai yaibau minicipalidad yaimpamainchau asamtai.

El Ministerio Público envió una respuesta a través de su oficina de comunicaciones.

Tujash, Rojas tawa nunú dekas ejemaji papí kuashat fiscalía awetimun takaku asamtai. Yaman papí Fiscalía awetimu awai tsawan 15 de noviembre, minaj 2022, shiig senchi atsumajai tusa yaubau segabau. 

Tsawantai utugchat au

Santa Rosillonmaya inia aidau, takatnum pachitkau ainawai jujú Mecanismo Intersectorial de Protección de Personas Defensoras de Derechos Humanos del Ministerio de Justicia tawa nuwi, mijan 2019 nagkamas. Ditak ayamjuinawai dutikak kuitamainawai inia apu Manuel antsag Quinto Inuma anin awankamu aina nuna pujutjin. Jujú apu aidaiyan duka suwimaku, achika egkeamu nijan 2018 ainawai, antsag buuknum, iyashnum awatjamu ainawai, mijan 2018. Juka pujutji ayajuktsa apunum segabau amainai, dita kuitamkatasa, tujash juka shiig yapajintsui yabaikish.

Muun aidauk dakituinawai jujú utugchat nugkanum awa nunak, juka utugchatak paan wantinak awai. Perú nugkeganik inia nugka ayamjin aidauk puyatjusa atamuk atsawai. Ditak yupichu maumainnum batsatui. Mijan 2022, Ministerio de Justicia ima 40 mil soles (10.500 dólares) susae jujú utugachatnum yaimkati tusa. Tujash juka kuichkik wamak abuekae inimsa diyamunum. Atus diyan, kuichik apu aidau ayamjukmi tibauk imanikag atsawai. 

“Yabai siete familias sierranmaya nugka achikag jegamjaje”, juna estejui apu kechwa Quinto Inuma. Aents aidau wainak kaunina nunak apu municipalidadnumia iinia nugka tituloji jikti tusa yainchamun ima shiig kauninawai. Kakajus inia nugka chichamjumainuk senchijik atsawai. “Awajuni nugken emegkaktatus, apu municipalidadnumia adauk tikish aents atushtanmaya aidaun ikaunmainawai” 

Abogada Cristina Gavancho León, inia batsatkamu Santa Rosillo ayamjin, chichak tawai, iik segamji kuashtá Policía Nacional nugka wainka achikbau aina nuna diistinme tusa. Tujash ditak tuinawai iik dimaitsuitji nugka ishamainai asamtai. Iinak mantamain ainawai tiaje.  Juik norcotraficantes iadua batsamkaje.  

Los centenarios árboles tornillo son altamente cotizados por los traficantes ilegales de madera.
 

“Policía nuwigtú discales aidau nugka diinak wenashkuik, anemtsaimsa diismí wajupa utugchatnumá pujuinatsua apu tsawantai nunka ayamjuinak chichamjuina dusha” aatus tawai Gavancho. 

¿Wagka wamkesh apu inia garantiayajinash uminatsua? Edgardo Rodríguez, Oficina de Derechos Humanos del Ministerio de Justicia tawa nuna directorji, dita chicham etsentaijin jega iniasji. Tujash jujú reportaje amuakjikesh niijaik chichaschaji juti chicham awetimu aig. 

“Junak puyatjusagkesh diinatsui”, aatus tawai Gavancho, ikam kuitamnakti tusa chicham umikbauwa nuwi diyam.

Apu aidau numi takaina nuna puyatjus diinashkui, utugchat ikam takamuk tuké atatui. “política de control atsau, nugka fiscalizamu atsau, funcionarios takamin aidau eemak weenau, nuniak dekas nungka shiig takasa pujut yaibau atsakuik, juka wainka ikam kasamka takabauk mijakchattawai. Tuké tsawantai nugka kasamka takamuk atatui región San Martinnumak.

Jujú diyam, kuashtá kechwa aidau nugka diinak yujakmá wainkaje entsa, namak aina nuna nujinchí, ikam shiig muun kuitamkamu Reserva Nacional Pacaya Samiria tawa nuna umutaiji, Loretonun, San Martín nugkanum shiig muuntan amukag iniminamun.  

Jujú namak aidau, Parque Nacional Cordillera Azul tawa nuwi minina nunú, utugchat epegtashmak, juka buku wajasagtatui, nuniak amazonianum utugchatan itagtamattawai. Juna apu aidau puyatjus aents tikishnumia tawag iina nugken wainak takaina nuna diistinme tusa dakaji”. Aatus tawai apu Quinto Inuma. 

Juka entsa kuyuatnuk wainka chichantsui. Entsa pachis dekau, yacha ingeniero Jaime Huamanchumo tawai, ikam amuamak entsak kuyuminai tawai. “Dekas yamaik numi aidauk ajamainai ikam numi amukbau aina nuwi, dutikam yumi kuashat amainai”. Aiksak yumi autusu aidauchkam nunka tuinawai. 

Escenarios de devastación como este son recurrentes en las cabeceras de cuenca. Foto: Hugo Anteparra.

Utugchat shiig muun awai namak Chipurana. Imajui numi kasamak sujin aidau ukag najanawaje carreteran numi inagkeattatus. Jujú namaka juka shiig muunnum yaijatnai yumi amazonía takamunun. Huamanchumo tawai, jujú yabai epegkeashmak, atak utugchat muun atatui yuminum Reserva Nacional Pacaya Samiria. 

“Juka namakak muun ayi yaushkek. Amesh yabai diista entsa wajuk kuyuaya wegawa, nujinchin numi muun tsaik aidau amutkam weganí”, aatus wakebesek chichawai apu Manuel Inuma, tsawantai numi amuamun wainak minau asa. 

“Wakegaji nugka pegkeg iina uchijinu ukuktasa. Ii ayamjashkujik, Estado iina yaimpashbaunmash, ¿tujash yabaish tuiwig juwaktaji?”, tawai Manuel. “¿Iina uchijish wajina atsumainawa? Wakegawai yuwatatus, umagtatus, yapagmamatatus. Aniau asamtai nugka chichamjaji. Ikamak ii atsumaku juki takataiyai, ina ampimatai, iina jee. Aujai takaji antsag aujai pujaji”.

El apu Quinto Inuma explica cómo los árboles son marcados dentro de las parcelas tomadas por los migrantes. Video: Hugo Anteparra.

Papí

Utugchatak Congreso de la República nagkamas tinamdaegak kautjamui. Parlamentonum takainawai makichik proyecto Ley Forestalan yapajiatatus. Jujú umintaik, Ministerio de Ambiente senchiji nugka mabiaka takamum awa duka atsuttawai (numi jiyamu, ajakmamu, tikish pegkeg aidau takamushkam). Atatui yamajam nugka diyau, juka Ministerio de Desarrollo Agrario senchinak sumain ainawai. Kuashat instituciones perunmaya antsag tikish nugkanmaya tuinawa, ikam ajamka ajakma emamak numik shiig kuashat abuekattawai, nuniak utugchatan muuntan itagtamattawai iina amazoníajinik.  

“Wakegaji apu ikaman diyanú, niishkam ajutí jujú ikam ajakmamunum”, aatus tawai apu yacha derechojin autusu antsan políticas públicas dekau, César Ipenza. “Comisión Agraria senchi chichamjawai juna senchin Ministerio del Ambienten atankitatus, nuniak nugka tsegtaja tinamka takamu dekas yama nagkama takasmi tusa, antsag ajakmamushkam tsawantai ati tusa”. 

Juna Proyecto de Ley, takainawai bancadas políticas Perú Libre, Alianza para el Progreso nuwintú Acción Popular. Juka shiig umintsui, eke nagkaematsui Comisión de Pueblos Andinos e Indígenas tawa nuwi. Nuwi juwaki, nagkaemaktatui Pleno del Congreso shiig diinasti tusa. 

Quinto Inuma autoridades iadua nugka pachis chichainanuik dekaskeap tuinawa tatsui. Nii tawai gobierno regional makishkia tame ii batsatkamunum, tujash papí jujú nugka wainka takamu antsag denuncias aidaui umika awayamu aidaunak shiig pachikchae, nuniak emegkakaje. "Estado shiig yaimpatsui. Wainak kasamak nugkan, numin takaina nuna ima senchi yayawai”.

Las autoridades pocas veces aparecen en Santa Rosillo.

Dita abogadaji, Cristina Gavancho León, tawai yabaikish San Martinnumia Autoridad Regional Ambiental tawa duka makishkish denuncianak apusache aents Santa Rosillo nugken kasamak numi jiina nuda pachisag. Juna Kechwa aidau senchi ishamas puyatjus diinawai.

“Osinforchakam shiig taatsui, kuashtá untsukjí, radionum, pappí umika suwak, internetnum, tujash ashi tujinkaji. Jujuwai yawwmainum, kajeamun sukagta duka. Yaibauk atsawai. Atsumaji jujú ina nugké 23 mil hectáreas ajutjama nuna titulon amastinme tusa”, aatus tawai Quinto Inuma. Jujú título senchi amamainai nugka emamkesa ayamjamunum. 

¿Tujash Policiash antsag Fiscaliash tuwi batsatuinawa? Yabai asae kampantum numin uumak juki weenau jetekbau, tujash apunakesh shiig ujakchaje jujú shiig aintsa dekami tusajag. Dutikainak agkan idaisaje. “Dutikamu asajag, autoridad aidaukesh shiig diyashbau asajag, iniatinak, apu adautinak dushiktamas diipainawai”. 

 “Santa Rosillo: una comunidad amazónica que combate la tala ilegal y el abandono del estado” es una investigación de:

CRÉDITOS

Investigación: Hugo Anteparra
Edición: Gonzalo Torrico (Convoca).

Acompañamiento editorial
Equipo CONNECTAS

Esta investigación fue realizada por Convoca y CONNECTAS, dentro de ARCO, con el apoyo del International Center for Journalists (ICFJ), en el marco de la Iniciativa para el Periodismo de Investigación en las Américas.