Kuashat aents nugka ayamjn aidau awankam antsag utugchatnum pujuinawai,
aents pegkegchau takamin aidau kaunawag inia nugken takagtai
chichamjamunum. Estado institucionisji aidaush ayamjatsui jujú coca ajamu,
numi ájamu, oro jiyamu nuwigtú nungka kasamka takamu weantunmash.

Jimag mijan nagkaemaki waga nuwi, 11 aents amazonasnumia nugka ayamjin
aidaun maawaje. Ministerio de Justicia ejenie 83 utugchat aents pegkenchau
takamin aina nudaun. 19 papí atsumaku jujú utugchat diisa awayamunmaya,
nantu abril 2020 nuwigtú agosto 2022, uweja amua nuwigtú jimajan ijuk ainawai
Ucayalinmaya, nuanuiya ima ipaksumat aikbauwai yaimkami tusa, tujash juka
imanchauwai, wagkapa policiakesh aantsag estadokesh dekas yaimainachu
asamtai.

Jujú pódcastnum, apu inia Flor de Ucayali batsatkamunmaya, Saúl Martínez
Guimaraes, augmatui wajuk shipibo konibosh ayamjukchamush pujuinawa
aents pegkegchau takamin aidau kuwashat yujak wegamunmash dita pujutaijin
región Ucayalinmash. Jujú utugchat aig, yamaikish ditak nugkanak
ayamjuinawai sapigmainaitak, nuniau asajag, segamainawai estado senchijin
nuwigtú jujú inia nugke ayakjamu pachisa yaibaun.

Convoca.pe aentsjí jegawaje Flor de Ucayali batsatkamunun (inia nugka),
nuniak jukiaje nugka ayamjinun nuwigtú aents awi pujuina nuna chichamen.
Antsag, iniasaje (entrevistaron) inia chichamkagtin nuwigtú tikish
organisacionesan apuji aidaun. Jujú apu aidau etsegkawaje utugchat shiig
muntan puyatjumainun aents pegkegchau takamin aidau itawaja juna, nuniak
tuinawai estado puyatjusa kakantsa yaibauk shiig atsawai.

* Este pódcast se difundirá en la red de emisoras de Radio Tropical, Tarapoto Radio Atalaya-Ucayali y Radio La Voz de la Selva.